Жаңа конкурс! Видеоны көріп, конкурстың шартымен танысып 5000 теңге ұтып ал!

Қазақстан теннисшісі Александр Бублик Санкт-Петербургте тұратынын жасырған жоқ

11.03.2024, 16:40

Ол соңғы жарысында ірі есеппен жеңілді

Қазақстан теннисшісі Александр Бублик Санкт-Петербургте тұратынын жасырған жоқ
Reuters

Қазақстанның номеры бірінші ракеткасы Александр Бублик Ресейде тұрады. Бұл туралы спортшының өзі «БОЛЬШЕ!» YouTube-каналына берген сұхбатында айтты.

Бублик 2017 жылы Қазақстан азаматтығын алып, сол уақыттан бері әлемдік жарыстарда біздің елдің атынан өнер көрсетіп жүр.

Журналистпен сұхбат кезінде теннисші Индиан-Уэллс (АҚШ) турниріне неліктен кеш келгенін түсіндірді.

«Үйде шаруаларым болды, баруым керек еді. Дубайдан Петербургке үйге отбасымды апарып тастадым да, АҚШ-қа ұшып келдім», - деді Бублик сұхбат барысында.

Айта кетейік, Индиан-Уэллс турнирінде қазақстандық теннисші үшінші айналымда жеңіліп қалды. Аустралиялық Алекс де Минормен кездескен Бублик қарсыласына 5:7, 0:6 есебімен жол берді.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам