Александр Бублик ATP рейтингінде 18-орынға көтеріліп, жеке рекордын орнатты

18.03.2024, 14:12

Ресейден жуырда ғана келген Шевченко құлдырады

Александр Бублик ATP рейтингінде 18-орынға көтеріліп, жеке рекордын орнатты
Қазақстан теннис федерациясы

Кәсіпқой теннис қауымдастығы (ATP) ер теннисшілердің жекелей және жұптық сындағы рейтингін жаңартты.

Қазақстанның ең үздік теннисшісі саналатын Александр Бублик аталған тізімнің 18-сатысына көтеріліп, өз рекордын орнатты. Бұрын соңды Қазақстанның ешбір теннисшісі мұндай жоғары көрсеткішке қол жеткізбеген. Бубликтің өзі болса соңғы рет 20-орында тұрған еді.

Жуырда ғана Қазақстан паспортын алып, Ресейден қоныс аударған Александр Шевченко болса бірден сегіз сатыға төмендеп, 58-орынға жайғасты. Ал, ТОП-3 өзгеріссіз қалып отыр.

  1. Новак Джокович (Сербия)
  2. Карлос Алькарас (Испания)
  3. Янник Синнер (Италия)

Ал, жұптық сында Қазақстан үздігі саналатын Александр Недовесов болса 45-тен 46-орынға төмендеді.

×
Жаңалықтар Футбол Хоккей Бокс MMA Теннис Баскетбол Ұлттық спорт
Жаңа Подкаст! Қонақта Марат Достаев пен Алдияр Жапарханов