![Юлия Путинцева US Open турнирінің чемпионын жеңді](https://1bol.kz/cache/imagine/1200/uploads/news/2024/05/09/663d396f136cd574622970.jpg)
Оның келесі қарсыласы – әлемнің бірінші ракеткасы Ига Швентек
Қазақстанның екінші, әлемнің 41-ракеткасы Юлия Путинцева Рим қаласында өтіп жатқан Masters турнирінің үшінші айналымына шықты.
Юлия бүгін 1 сағат 15 минутқа созылған матчта әлемнің 35-ракеткасы Слоан Стивенсті (АҚШ) 6:3, 6:2 есебімен жеңді.
31 жастағы америкалық теннисші 2017 жылы АҚШ-тың ашық чемпионатын (US Open) жеңіп алған болатын.
Қазақстандық теннисшінің келесі қарсыласы – әлемнің бірінші ракеткасы Ига Швентек. Ол бүгін америкалық теннисші Бернарда Пераны 6:0, 6:2 есебімен айқын жеңді.