Ол осы жетістігі үшін 22 650 доллар пайда тапты
Қазақстанның бірінші ракеткасы Александр Бублик Финиксте (АҚШ) өтіп жатқан челленджер турнирінің финалына шықты. Жартылай финалда ол португалиялық Нуно Боржешті (ATP №36) екі сетте жеңді – 6:3, 6:4.
Матч 1сағат 5 минутқа созылды. Александр Бублик матч барысында 16 эйс жасады және 6 брейк-пойнттың жартысын өз пайдасына шешті.
Енді финалда отандасымыз әлемнің 80-ракеткасы, 18 жастағы Бразилия теннисшісі Жоао Фонсекамен кездеседі.
Айта кету керек, бублик финалға шыққаны үшін 22 650 доллар пайда тапты және рейтингтік 90 ұпайға ие болды. Турнирдің ақтық ойыны 17 наурызға жоспарланған.
