Отандасымыз биылғы сәтсіздіктерден кейін рейтингте құлдыраған еді
Қазақстанның бірінші ракеткасы Елена Рыбакина Францияның Страсбург қаласында өтіп жатқан WTA 500 санатындағы турнирдің жартылай финалында жеңіске жетіп, маусымдағы алғашқы финалына жолдама алды.
Жартылай финалда Рыбакина әлемнің 23-ракеткасы бразилиялық Беатрис Хаддад Майямен кездесті. Үш сетке созылған тартысты матчта қазақстандық теннисші 7:6, 1:6, 6:2 есебімен басым түсті.
Айта кетерлігі, үшінші сетте Рыбакина 0:2 есебімен жеңіліп жатса да, қатарынан алты геймді өз пайдасына шешіп, мықтылығын көрсетті. Бұл жеңіс оған финалдық кезеңге өтуге мүмкіндік берді.
Финалға шыққаны үшін Рыбакина 87 825 еуро көлемінде жүлде мен 325 рейтингтік ұпайға ие болды. Еленаның ақпан айында Дубай мен Абу-Дабидегі турнирде жартылай финалға дейін жеткенін ескерсек, бұл – биылғы маусымдағы әзірге ең ірі жетістігі.
Финалда Елена Рыбакина америкалық Даниэль Коллинз бен ресейлік Людмила Самсонова арасындағы кездесу жеңімпазымен ойнайды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
