Ойын барысында Рыбакина шынтағын жарақаттап, тайм-аут алды
Қазақстанның үздік теннисшісі, әлемдік рейтингте 10-шы орында тұрған Елена Рыбакина WTA 1000 санатындағы Бейжиң турнирін жеңіспен бастады.
Рыбакина жарысты екінші айналымнан бастады. Оның қарсыласы әлемдік рейтингте 90-шы орында тұрған америкалық Кэти Макнэлли болды. Тартысты өткен матч үш сетке созылып, қазақстандықтың жеңісімен аяқталды — 7:5, 4:6, 6:3. Кездесу 2 сағат 30 минутқа созылды.
Ойын барысында Рыбакина шынтағын жарақаттап, медициналық тайм-аут алды. Физиотерапевт спортшының шынтағы мен қолын тексеріп, массаж жасады. Соған қарамастан, Елена үшінші сетте күш жинап, жеңісті жұлып алды. Келесі кезеңде ол әлемдік рейтингтің 66-шы ракеткасы, германиялық Ева Лиспен кездеседі.
Айта кетейік, Бейжиң турнирі 24 қыркүйек пен 5 қазан аралығында өтеді. Биылғы дода Елена Рыбакина үшін ерекше маңызды, себебі ол WTA маусымдық финалына жолдама үшін күресіп жатыр.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
