Енді Италияның Жасмин Паолиниімен (8-орын) кездеседі
Қазақстанның үздік теннисшісі Елена Рыбакина (WTA рейтингісінде 9-орын) Қытайдың Нинбо қаласында өтіп жатқан WTA 500 санатындағы турнирдің ширек финалында тамаша ойын көрсетті.
Бұл кезеңде Рыбакина австралиялық Айла Томляновичпен (WTA – 104-орын) кездесіп, қарсыласын айқын басымдықпен ұтты — 6:2, 6:0. Матч небәрі 58 минутқа созылды. Екінші сетте қазақстандық спортшы қарсыласына бірде-бір гейм бермей, толық үстемдік танытты.
Осылайша, Елена турнирдің жартылай финалына жолдама алып, енді Италияның Жасмин Паолиниімен (8-орын) кездеседі.
Айта кетсек, Рыбакина жарысты украиналық Даяна Ястремскаяға (30-орын) қарсы қиын матчтан бастаған еді. Ол кездесу үш сетке созылып, Елена жеңісті 6:4, 6:7, 6:3 есебімен қанжығасына байлады.
Турнирдің жалпы жүлде қоры 1 064 510 АҚШ долларын құрайды. Ал жеке әйелдер арасындағы біріншіліктің жеңімпазы 164 мың доллар және 500 рейтингтік ұпай иеленеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
