Оларды ажыратуға тәртіп сақшылары араласты
Астанада өтіп жатқан Дүниежүзілік Көшпенділер ойынында көкпардан финалда кездескен қазақ пен қырғыз көкпаршылары арасында жанжал туындады.
Ойынның бірінші кезеңінде Қырғызстан көкпаршылары 3:1 есебімен алға шығып, басымдыққа ие болған. Осыдан кейін серкеге талас кезінде шабандоздар арасында төбелес шықты. Қазақстан көкпаршысы қырғыз ойыншысына қамшы сілтеді.
Ойын кезінде жағдай ушыққан соң мәселеге тәртіп сақшыларының араласуына тура келді. Атқа мінген көкпаршылар алаң сыртына шығып, бір-бірімен біршама уақыт ерегесті.
Ұзақ үзілістен кейін ойын жалғасты және Қазақстан командасы есепті теңестіріп қана қоймай, алға шықты (4:3). Көкпар әлі жалғасып жатыр.
