Нәтиже шынымен бір-екі дәл соққыға қарап шығарылды
Дубайдағы әлем чемпионатының жартылай финалында қазақстандық Ертуған Зейнуллинов пен ресейлік Илья Попов арасындағы айқас тартысқа толы болды.
Төрешілер шешімі – 4:3, Поповтың пайдасына. Тіпті IBA арнайы Bout Review процедурасы арқылы бас төреші мен бақылаушының қосымша бағасына жүгінуге тура келді.
Поповтың айтуынша, жекпе-жектің тағдырын бар болғаны «бір-екі соққы» шешкен.
«Бірінші раундты ала алмадым – қарсыласым жоғары қысыммен келеді деп күтпедім. Кейін тактиканы өзгертіп, жағдайды өз пайдамызға бұруға тырыстық. Екінші және үшінші раундтарда басымдық бізге өтті», – дейді ол.
Bout Review кезінде не сезінгенін сұрағанда, ресейлік боксшы былай деді:
«Ішімнен «Құдай қаласа, жеңіс бізге бұйырсын» деп тілеп тұрдым. Шыны керек, күмәнім болды. Жекпе-жек өте қарқынды өтті. Нәтиже шынымен бір-екі дәл соққыға қарап шығарылды. Соған қарамастан жеңіс маған бұйырғанына шүкірлік етемін».
Попов финалға шығудың оңай болмағанын да атап өтті:
«Әлем чемпионатының финалына жол – бір жылдық еңбек емес, жиырма жылдық еңбектің жемісі. Өте бақыттымын», – деді ол.
Ал Ертуған Зейнуллинов осы нәтижемен ӘЧ-2025-тің қола жүлдегері атанды. Финалда ресейлік боксшыны Қырғызстан өкілі Омар Ливаза күтіп тұр.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
