Ол түнімен ауруханада шұғыл ем қабылдаған
Салмақ қуамын деп бүйрегі сыр берген қазақстандық кәсіпқой боксшы Жәнібек Әлімханұлы шамамен 2-3 ай емделіп, рингке қайта оралады. Бұл туралы оның менеджері Берік Сұлтан мәлімдеді.
Айта кетейік, 14 шілдеде Жәнібек жаңазеландиялық боксшы Андрей Михайловичпен жұдырықтасуы тиіс болған. Алайда, денсаулығының сыр беруіне байланысты бұл жекпе-жек болмайды.
«Көп спортшылар сияқты біз де салмақ жасау барысында қиындыққа тап болдық. Бірінші рет осындай жағдайды бастан өткердік. Оңай емес екен! Түнімен ауруханада болдық! Мұны да көру керек болған шығар! Қазір Жәнібектің жағдайы бірқалыпты. Денсаулық бірінші орында! Бұйыртса 2-3 ай қалыпқа келіп, рингке қайта ораламыз», - деп жазды Б.Сұлтан әлеуметтік желіде.
Бұған дейін аталған бокс кешін ұйымдастырып жатқан Top Rank промоутерлік компаниясы Жәнібектің жекпе-жегі болмайтынын хабарлаған еді. Оның орнына Раймонд Мураталла мен Тевин Фармер арасындағы айқас кештің басты жекпе-жегі таңдалған.
Жәнібек Әлімханұлы – кәсіпқой бокстан орта салмақта WBO және IBF тұжырымдары бойынша әлем чемпионы.
Ордабасы
Актобе
Елимай
Кайрат
Астана
Тобол
Атырау
Кайсар
Жетысу
Кызылжар
Туран
Женис
Шахтёр
-
