Танымал инсайдер болжамын айтты
Орта салмақтағы әлем чемпиондары Жәнібек Әлімханұлы мен Карлос Адамес соңғы күндері әлеуметтік желілерде үнсіз қалды. Бұл жайтқа АҚШ-тағы танымал инсайдер және LDUBB_Boxing YouTube арнасының авторы Буг Уильямс назар аударды.
«Маған Жәнібек пен Адаместің соңғы уақытта тым-тырыс қалғаны ұнайды. Осы айдың басында екеуі бірін-бірі әлеуметтік желіде тұрақты түрде «шабуылдап» жүретін. Ал қазір — тыныштық. Бұл жақсы белгі», — деп жазды Уильямс өзінің X (бұрынғы Twitter) парақшасында.
Пікір білдірушілердің бірі бұл жағдайға әзіл-қалжыңмен қарады:
«Екеуі де әлеуметтік желідегі менеджерлерін бір уақытта жұмыстан шығарып жіберген болар?»
Ал Буг Уильямс бұл үнсіздіктің артында маңызды келісімнің жатқанын жоққа шығармайды:
«Олар 16 тамызға жекпе-жек өткізу туралы келісімге келді ме екен?» — деп болжады ол.
Бұған дейін Карлос Адамес Жәнібек Әлімханұлының командасымен келіссөз жүргізіп жатқанын растаған болатын. Оның айтуынша, WBO, IBF және WBC белбеулері үшін өтетін жекпе-жек — оның мансабындағы басым бағыт.
Еске сала кетейік, Жәнібек Әлімханұлы WBO және IBF нұсқалары бойынша орта салмақтағы әлем чемпионы. Ал WBC титулы дәл қазір Карлос Адаместе.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
