Ломаченко кәсіпқой бокстағы мансабында үш салмақ дәрежесінде әлем чемпионы атанды
Кәсіпқой бокстан әлемнің экс-чемпионы Василий Ломаченко спорттық мансабын аяқтағанын мәлімдеді. Бұл туралы ол әлеуметтік желідегі парақшасында жазды.
Ломаченко ең алдымен Құдайға, әкесі әрі бапкеріне, отбасына, командасына және менеджеріне алғыс білдірді.
«Кез келген боксшы үшін қолғапты шегеге ілетін күн туады. Мен үшін сол күн келді», – деді ол.
Ломаченко кәсіпқой бокстағы мансабында үш салмақ дәрежесінде әлем чемпионы атанды:
WBO нұсқасы бойынша жартылай жеңіл салмақта (2014-2016),
Екінші жартылай жеңіл салмақта WBO титулы (2016-2018),
Жеңіл салмақта WBA (2018-2020), WBO (2018-2020, 2019) және IBF (2024-2025) белбеулерін иеленді.
Ол соңғы жекпе-жегін 2024 жылы өткізіп, Джордж Камбососты техникалық нокаутпен жеңу арқылы IBF тұжырымы бойынша чемпион атанған еді.
Кәсіпқой рингтегі көрсеткіші: 21 жекпе-жек, 18 жеңіс (оның 12-сі — нокаутпен), 3 жеңіліс. Сонымен қатар Ломаченко – 2008 және 2012 жылдардағы Олимпиада ойындарының екі дүркін чемпионы.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
