Маусым басталғалы бері төрешілердің жұмысына шағымдануылар қатары көбейгенімен, ҚФФ ешқандай шара қолданбай отыр
Қазақстан құрамасы мен шымкенттік «Орлабасының» қорғаугысы Сергей Малый ҚПЛ-дің 11-турында жұмыс істеген арбитр Санжар Ысқақовты бұдан былай төрешілікке жолатпауды сұрады. Оның айтуынша, аталған маман «Жеңіспен» болған матчта шымкенттік командаға қиянат жасаған.
Еске салайық, сырт алаңда «Жеңіспен» кездескен «Ордабасы» 2:2 есебімен тең тарқасқан болатын. Төреші ойыннан шымкенттіктердің бір ойыншысын қуып, екі голын есепке алмай қойды.
«Матчтарға төрешіні кім тағайындайтынын білмеймін, бірақ бұл адамды келесіде бізге арбитр етіп те, VAR төрешісі етіп те тағайындамаңыздар. Әйтпесе келесі жолы үлкен дау туады», - деп жазды Малый әлеуметтік желіде.
Айта кетейік, ҚПЛ-дің биылғы маусымы басталғалы төрешілерге қатысты өте көп дау туындап жатыр. Мәселен, «Жетісу» бас бапкері Самат Смақов, «Қайсар» бас бапкері Виктор Кумыков арбитрлердің былығын ашып айтты. Соған қарамастан QFL тарапынан да, ҚФФ тарапынан да төрешілерге қатысты ешқандай шара қолданылмаған.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
