Спортшының айтуынша, команда ойыншылары бес айдан бері еңбекақыларын ала алмай жүр
Қазақстан әйелдер хоккей құрамасының және «Айсұлу» клубының шабуылшысы Малика Алдабергенова мәнерлеп сырғанаушы Михаил Шайдоров көтерген мәселеден кейін өз командасындағы жалақы төлеу жағдайына қатысты мәлімдеме жасады.
Спортшының айтуынша, команда ойыншылары бес айдан бері еңбекақыларын ала алмай жүр.
«Көпшілік Михаил Шайдоровтың жағдайынан хабардар шығар. Кейбіреулер мен оның танымалдылығын пайдаланып, өз мәселеме назар аудартқым келеді деп ойлауы мүмкін. Бірақ шын мәнінде бізді басқа жағдайда ешкім естімейді. Бесінші ай қатарынан жалақымыз төленбей келеді. Әр ай сайын жаңа мерзім айтылады: алдымен бір күнді белгілейді, кейін оны ауыстырады, одан соң айдың соңына дейін күтуді сұрайды. Бұл жағдай қайта-қайта қайталануда», – деп жазды Алдабергенова Threads әлеуметтік желісінде.
Хоккейшінің бұл мәлімдемесі соңғы күндері қазақстандық спорттағы қаржыландыру мәселелері төңірегінде өрбіген талқылаулардың жалғасына айналды. Бұған дейін мәнерлеп сырғанаушы Михаил Шайдоров та бірнеше ай бойы тиесілі төлемдерін ала алмай жүргенін мәлімдеген болатын.
Айта кетейік, 2026 жылдың сәуір айында Қазақстан әйелдер құрамасы хоккейден әлем чемпионатының IB дивизионында қола медаль жеңіп алып, ел қоржынына маңызды жетістік сыйлаған еді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
