Ол Рахмоновтың өз деңгейіндегі қарсыласпен жекпе-жек өткізбегенін айтты
UFC-дің жартылай орта салмағындағы америкалық файтер Хоакин Бакли қазақстандық Шавкат Рахмоновты жекпе-жекке ашық шақырып, оны өзімен кездесуден қашып жүр деп айыптады.
Әлеуметтік желідегі үндеуінде америкалық спортшы Рахмоновтың әлеуетін төмендетуге тырысып, оның ешқашан өз деңгейіндегі қарсыласпен жекпе-жек өткізбегенін айтты.
«Өзбекстанда тығылуды қой. Сен менің жылдамдығымды да, қысымымды да, күшімді де сезінген жоқсың. Образбен өмір сүріп жүрсің, ал мен оны бұзуға дайынмын. Егер өзіңді чемпиондыққа үміткермін деп санасаң, онда алдымен менімен кездес», — деді Бакли.
Ол сондай-ақ Шавкаттың командасы да бұл жекпе-жекті айналып өтуге мүдделі екенін мәлімдеді:
«Kill Cliff менің атымды атамайды. Генри Хуфттың өзі жігіттеріне менімен кездесуге болмайтынын айтқан», — деп жазды ол.
Бакли үндеуін қатаң талаппен аяқтады:
«Мен сенің соңыңнан келемін. Ешқандай сылтау жоқ. Келісімшартқа қол қой».
Айта кетейік, Хоакин Бакли соңғы жекпе-жегін маусым айында өткізіп, Камару Усманнан төрешілер шешімімен жеңілген. Бұған дейін ол 2023 жылдан бастап алты жеңістен тұратын серия жинаған болатын.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
