64 секундта қарсыласын нокаутқа түсірген Бекзат UFC 315 турнирінде ең төмен сыйақы алды
Қазақстандық Бекзат Алмахан Канаданың Монреаль қаласында өткен UFC-дегі екінші жекпе-жегінде қарсыласын нокаутқа түсіріп, екі миллион теңгеге жуық (4 мың АҚШ доллары) сыйақы алды.
Бұл жекпе-жекте ММА спортшысы Бекзат Алмахан америкалық промоушендегі отандастарымыз арасында ең жылдам нокаутты тіркеді. Ол Брэд Катонаны (14-5) небәрі 64 секундта жеңіп шықты.
Соған қарамастан Бекзат UFC 315 турнирінде ең төмен сыйақы алды. MMAJunkie басылымының мәліметінше, оның сыйақысы небәрі 4 мың долларды құраса, қарсыласы Брэд Катона 6 мың доллар алған.
UFC 315 турниріне қатысушылардың сыйақысы:
Джек Делла Маддалена – 32 000 доллар
Белал Мухаммад – 42 000 доллар
Валентина Шевченко – 42 000 доллар
Манон Фьоро – 32 000 доллар
Айман Захаби – 6 000 доллар
Жозе Альдо – 21 000 доллар
Наталия Силва – 6 000 доллар
Алекса Грассо – 11 000 доллар
Бенуа Сен-Дени – 6 000 доллар
Кайл Преполека – 4 000 доллар
Майк Маллотт – 6 000 доллар
Чарли Радтке – 4 500 доллар
Жасмин Жасудавичус – 6 000 доллар
Джессика Андраде – 21 000 доллар
Модестас Букаускас – 6 000 доллар
Ион Кутелаба – 16 000 доллар
Навахо Стерлинг – 4 000 доллар
Иван Эрслан – 4 000 доллар
Марк-Андре Баррио – 11 000 доллар
Бруно Силва – 11 000 доллар
Даниэл Сантос – 4 500 доллар
Чон Ен Ли – 4 500 доллар
Бекзат Алмахан – 4 000 доллар.
Осылайша, Бекзат кәсіби мансабындағы 12-жеңісіне қол жеткізді. UFC-дегі рекорды: 1 жеңіс, 1 жеңіліс. Ол 2024 жылдың наурызында алғаш рет UFC-де өнер көрсетіп, ресейлік Умар Нурмагомедовтен төрешілер шешімімен жеңілген. Дегенмен сол жекпе-жектің бірінші раундында Умарды нокдаунға жібергені көпшіліктің есінде.
