Өзбекстандық боксшы Усик және Энтони Джошуаға ескерту жасады
Жеңілмеген өзбек боксшысы, екі дүркін олимпиада чемпионы Баходир Жалолов суперауыр салмақтағы әлем чемпионы украиналық Александр Усикті жекпе-жекке шақырды.
Жалолов 2021 және 2024 жылдары суперауыр салмақта Олимпиада ойындарында топ жарған. Ал кәсіпқой бокста қатарынан 14 жекпе-жекте жеңіске жеткен.
«Маған екі-үш ай уақыт беріңіздер, сонда мен Усикпен төбелеске дайын боламын. Усикпен және Энтони Джошуамен күш сынасып көргім келеді, өйткені олар да Олимпиада чемпиондары. Сондай-ақ олар кәсіпқой бокста да үлкен жетістіктерге жетті. Мен келе жатырмын, жігіттер! Абай болыңдар!» – деді Жалолов The Ring басылымына берген сұхбатында.
