Матч 2 сағат 35 минутқа созылды
Әлемдік рейтингте алғашқы ондыққа кіретін қазақстандық теннисші Александр Бублик мансабында алғаш рет Australian Open турнирінің төртінші айналымына шықты.
1/16 финалдық кездесуде Бублик аргентиналық Томас Мартин Этчеверриді (ATP рейтингінде 62-орын) 7:6 (7:4), 7:6 (7:5), 6:4 есебімен жеңді.
Матч 2 сағат 35 минутқа созылды. Қазақстандық спортшы 21 эйс жасап, екі рет қос қателікке жол берді. Ал Этчеверридің еншісінде 10 эйс пен бір қос қателік тіркелді.
Осылайша, Александр Бублик Australian Open-2026 турнирінің 1/8 финалына жолдама алды. Бұл кезеңде ол австралиялық теннисші Алекс де Минаурмен (әлемдік рейтингте 6-орын) кездеседі. Де Минаур бұған дейін америкалық Фрэнсис Тиафоді (№34) 6:3, 6:4, 7:5 есебімен ұтқан болатын.
Айта кетейік, Александр Бублик Мельбурн корттарында жеке рекордын жаңартты. Бұған дейін ол турнирдің үшінші айналымына алғаш рет шығып, америкалық Дженсон Бруксбиді (№48) және венгриялық Мартон Фучовичті (№54) жеңген еді. Бұл екі матчқа Бублик жалпы 4 сағат 21 минут жұмсады.
Қазіргі таңда қазақстандық теннисші Australian Open-2026 турнирінің «жасырын фавориттерінің» бірі ретінде аталып жүр.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
